Árið 2019 samþykkti Alþingi þingsályktun um forvarnir gegn kynferðislegu og kynbundnu ofbeldi og áreitni meðal barna og ungmenna, ásamt aðgerðaáætlun fyrir árin 2021–2025. Markmiðið var að uppræta kynferðislegt og kynbundið ofbeldi með samstilltu átaki sem byggir á djúpstæðum skilningi á vandamálinu. Útgáfa þessarar kennarahandbókar styður við það með því að tryggja að skólastarfsfólk hafi þekkingu á forvörnum, fræðslu og viðbrögðum. Kynbundið ofbeldi er því mikilvægt viðfangsefni skólakerfisins. Mikilvægt er að ná snemma til ungra brotaþola og styðja við betri líðan þeirra. Jafnframt er ávinningur að ná til gerenda eða hugsanlegra framtíðargerenda snemma til að leiðbeina þeim frá því að beita ofbeldi. Eingöngu með slíkri forvörnum er hægt að uppræta kynferðisofbeldi