Í þessum kennsluleiðbeiningum er hverjum og einum kafla bókarinnar gerð
skil. Fyrst er stutt umfjöllun um efni kaflans og/eða ábendingar sem dýpkað
geta skilning kennara á efninu. Því næst eru tillögur að verkefnum. Í sumum
köflum eru einnig tillögur að föndurverkefnum sem tengjast efninu.
Kennarar ættu að geta fundið verkefni við hæfi flestra nemenda. Einnig er
bent á efni af netinu til að styðjast við eða til að leita frekari upplýsinga.
Hafa ber í huga að verkefni má útfæra á margvíslegan hátt s.s. stafrænt eða
á pappír, t.d. má útbúa rafbók, korktöflu eða glærusýningu útfrá sama verkefni.
Ef áhugi er á að fara stafrænu leiðina þá má finna ýmis smáforrit eða
vefi sem hægt er að nýta ókeypis eða fyrir lítinn pening.