Sproti 1b er nemendabók í stærðfræði þar sem lögð er áhersla á fjölbreyttar kennsluaðferðir og misþung verkefni. Markmiðin eru skýr, textar stuttir og auðlesnir og hvert viðfangsefni tekið fyrir á fjölbreyttan hátt. Bókin leggur meiri áherslu á vinnu með tölur á talnabilinu 1–10 og sérstaklega 10–20, þar sem unnið er með talnaskilning, röð talna, talnalínu, sætisgildi og peninga. Einnig er lögð meiri áhersla á notkun talnalínu og á samlagningu og frádrátt með ólíkum leiðum að lausnum.