Sproti 1a kennarabók er önnur útgáfa kennsluleiðbeininga með samnefndu námsefni. Sprotaefnið býður upp á sveigjanleika í stærðfræðikennslu og gefur kost á að beita fjölbreyttum kennsluaðferðum. Efnið hentar nemendum á mismunandi getustigi og styður þá í að öðlast undirstöðufærni í stærðfræði. Kennarabókin fylgir efnisþáttum nemendaefnisins og þar er meðal annars fjallað um tölurnar 7–10, mælingar, samlagningu og frádrátt, tölurnar 0–20, form og myndir. Bókin er einungis aðgengileg rafrænt á læstu svæði kennara og aftast í henni eru verkefnablöð til ljósritunar. Próf eru á læstu svæði kennara.