Í kennsluleiðbeiningunum eru tillögur að innlögn með hverjum bókstaf og útskýringar á þjálfunaræfingum og verkefnum. Lögð er áhersla á að skriftarkennsla og þjálfun verði ríkari þáttur í stafainnlögn og fái þar meira svigrúm. Stafainnlögn telst í raun ekki lokið fyrr en nemendur þekkja útlit allra bókstafa, hljóð þeirra og geta dregið þá rétt til stafs á sjálfvirkan og nákvæman hátt. Þá eru þeir komnir með forsendur til að geta umskráð (lesið) og skráð (ritað) á árangursríkan hátt.