Bent er á leiðir til að efla lesskilning og auka forvitni og áhuga nemenda fyrir efninu. Mikið er lagt upp úr vinnu með orðaforða áður en textinn sjálfur er lesinn, hugað að bakgrunnsþekkingu og bent á leiðir til að vinna með efnið í bekkjarkennslu út frá heildstæðri móðurmálskennslu og samþættingu við aðrar námsgreinar. Í leiðbeiningum eru verkefni til útprentunar, m.a. ritunar- og málfræðiverkefni í tengslum við efni nemendabókar.