Verkefnin hér í ítarefninu eru sem fyrr á pdf-formi til útprentunar. Þau eru óaðskiljanlegur hluti námsefnisins. Auk yfirlitssíðu er að jafnaði um að ræða sex verkefnablöð með hverjum bókarkafla.
Í Kæra dagbók 3 hafa aðstæður fjölskyldunnar sem nemendur kynntust í tveimur fyrri bókum, Kæra dagbók og Kæra dagbók 2, breyst nokkuð. Nú eru Sonja og Símon búin að eignast litla systur og hundurinn Snati er kominn á heimilið. Afi þeirra systkinanna og amma dvelja nú oftar hjá fjölskyldunni þar sem þau eru komin á eftirlaun. Fjölskyldan dvelur enn þá í Reykjavík en fer stundum í stuttar ferðir sér til gagns og gamans víðs vegar um Ísland.