Námsefnið Kæra dagbók 3 er ætlað nemendum með annað móðurmál en íslensku, aðallega 10–14 ára sem hafa áður unnið með fyrri bækur eða hliðstætt efni. Það byggir á markmiðum aðalnámskrár fyrir íslensku sem annað tungumál og þjálfar nemendur í að skilja einföld skilaboð, tjá tilfinningar og reynslu, taka þátt í samtölum, leikjum og umræðum, spyrja og biðja um upplýsingar, bera fram íslensk málhljóð, lesa og skilja texta og skrifa stutta frásögn, lýsingu eða skilaboð. Aftast í bókinni eru útskýringar á uppbyggingu hennar.