Bókin er 9 kaflar, 4 í náttúrugreinum og 5 í samfélagsgreinum. Kaflarnir eru árstíðir, ljós og skuggar, mannslíkaminn, húsdýr og gæludýr, umferðin, umhverfið okkar, trú, sjálfsmyndin og fjölskyldan. Í upphafi hvers kafla eru markmið hans sett fram ásamt fallegri opnumynd sem gefur innsýn í efni kaflans. Bókin er ríkulega myndskreytt með teikningum og ljósmyndum sem tengjast vel textanum. Á hverri opnu eru dregin fram 3 ný orð sem verðugt er að vinna með í tengslum við efnið til að auka orðaforða nemenda. Aftast í bókinni eru einfaldar útskýringar á orðunum. Hverjum kafla lýkur með hugmyndum að umræðum og verkefnum.