Verkefnabókin styður við námsefnið með fjölbreyttum æfingum sem þjálfa lesskilning, orðaforða, hlustun og málnotkun í tengslum við viðfangsefni úr daglegu lífi ungmenna. Textarnir fjalla um táningsárin, tilfinningar, fjölbreytileika, mismunandi hefðir og fleira. Markmiðið er að dýpka skilning á efninu og gefa nemendum svigrúm til að vinna með tungumálið í samræmi við eigin færni. Verkefnin eru sett þannig fram að sum þeirra er gagnlegt að vinna áður en texti er lesinn, önnur á meðan lesið er og að lokum eftir að unnið hefur verið með textann. Lausnir eru aðgengilegar kennurum á læstu svæði.