Vefefnið styður við dönskunám með fjölbreyttum þemum sem leggja áherslu á hlustun, tal og samvinnu. Verkefnin taka mið af virkri notkun stafrænna verkfæra og skapa nemendum tækifæri til sjálfstæðrar og markvissrar vinnu með tungumálið.
Vefurinn skiptist upp í sex þemu: bevægelse, velfærd, kommunikation, fremtidsdrømme, mystik og Danmark. Í hverju þema eru verkefni sem nefnast Ekstra og geta nemendur unnið þau frekar sjálfstætt.
Einnig eru verkefni sem nefnast Lærerværelset og krefjast þau innlagnar kennara. Leiðbeiningar og greinargóðar upplýsingar um framkvæmd fylgja hverju og einu verkefni.