Kennsluleiðbeiningar með bókinni Ísland, hér búum við. Bókin skiptist í þrjá hluta. Í fyrsta hlutanum er fjallað um kort og kortalestur, náttúru Íslands, auðlindir, atvinnulíf og umhverfi. Í öðrum hlutanum er landinu skipt í landshluta og hver þeirra kynntur sérstaklega, með áherslu á náttúru, mannlíf, atvinnulíf og samgöngur, auk valinna staða og skýrra korta. Í þriðja hlutanum er stutt umfjöllun um heimabyggð nemenda, en nánari úrvinnsla fer fram í verkefnabók sem fylgir kennslubókinni.