Kennsluleiðbeiningar með teiknimyndinni Fullorðnir mega aldrei meiða. Öll börn eiga rétt á öryggi og vernd gegn ofbeldi. Til að tryggja þetta þurfa börn að skilja hvað ofbeldi er og hvernig þau geta leitað sér hjálpar. Rannsóknir sýna að mörg börn segja ekki frá ofbeldi vegna þess að þau vita ekki að það sé ólöglegt eða hvernig aðstoð er fáanleg. Sum hafa reynt að segja frá en ekki verið tekin trúanleg. Því er mikilvægt að fræða börn um ofbeldi og rétt þeirra til öryggis. Börn sem fá slíka fræðslu skilja betur ranglæti ofbeldis og eiga auðveldara með að segja frá reynslu sinni, sem hjálpar þeim og þeim sem beitir ofbeldi að fá aðstoð til að binda endi á ástandið.