Bókin Láttu mig vera! Áhyggjupúkar fjallar um hvernig áhyggjur geta valdið kvíða hjá börnum og hvernig þau geta lært að takast á við þær. Kvíði er eðlileg tilfinning, en mikilvægt er að finna heilbrigðar leiðir til að minnka hann. Aftast í bókinni eru leiðbeiningar fyrir kennara og tillögur að verkefnum til að þjálfa börn í að losa sig við áhyggjur. Mikilvægt er að vinna með efnið í samvinnu við foreldra, veita þeim upplýsingar og fræðslu, og jafnvel halda kynningafund áður en hafist er handa. Foreldrar gegna lykilhlutverki í allri vinnu með kvíða og áhyggjur barna.