Námsefni í lífsleikni með forvarnargildi gegn áhættuhegðun. Í efninu er farið yfir ýmsa verndandi þætti með fræðslu, umræðum og verkefnum. Efnið samanstendur af dagbók, hlaðvörpum og kennsluleiðbeiningum og er samvinnuverkefni á milli MMS, RÚV og Minningarsjóðs Einars Darra (Eitt líf).
Hlaðvörpin eru tíu talsins og í þeim ræða grunnskólanemendur við sérfræðinga um geðheilbrigði, sjálfsmynd, svefn, heilbrigð bjargráð til að takast á við kvíða og reiði, að setja heilbrigð mörk, seiglu og fleira. QR kóðar í dagbókinni vísa á hlaðvarpsþættina.
Kaflar dagbókarinnar eru 10 til samræmis við hlaðvörpin.