Ég og framtíðin 3 er námsefni með textum og verkefnum sem styðja nemendur í námsvali að loknum 10. bekk. Efnið hjálpar þeim að kynnast sjálfum sér betur og öðlast yfirsýn yfir fjölbreyttar náms- og starfsleiðir sem standa til boða. Í náms- og starfsfræðslu kanna nemendur eigin áhuga, styrkleika og færni í tengslum við mögulegan framtíðarferil. Verkefnabókin skiptist í þrjá hluta og þessi bók er síðasti hlutinn. Efnið er íslensk þýðing og staðfærsla á norska námsefninu Min framtid – arbeidsbok i utdanningsvalg og er einnig aðgengilegt á rafrænu formi á vef MMS ásamt kennsluleiðbeiningum.