Bókin skiptist í átta kafla. Í hverjum kafla eru megintexti, fróðlegar rammagreinar og ítargreinar um áhugaverð efni, auk fjölbreyttra verkefna í lok hvers kafla. Einnig er bókin rík af kortum, skýringarmyndum og ljósmyndum sem hjálpa til við að skýra efnið.
Kaflarnir fjalla meðal annars um tilurð jarðar og jarðsögu, uppbyggingu og mótandi öfl jarðar, kort og kortagerð, náttúru, gróður og loftslag, höfin og auðlindir þeirra, orku og nýtingu auðlinda, búsetu og skipulagsmál, sem og umhverfismál og samfélagslegar áskoranir.