Þemaheftið Blikur á lofti er í flokki þemahefta í náttúrufræði. Efnið má nota eitt og sér, sem ítarefni með öðru námsefni eða sem kveikju að vettvangsferðum svo nokkuð sé nefnt. Í þessu hefti er almenn umfjöllun um veður og hugtök sem tengjast því. Hér eru hugmyndir að fjölbreyttum verkefnum bæði skriflegum og verklegum. Nokkur áhersla er á að nemendur geri athuganir og fylgist markvisst með veðurfari á vettvangi.