Kennsluleiðbeiningar með bókinni Ritum Saman-Græni blýanturinn. Bókin er ætluð nemendum sem eru að stíga sín fyrstu spor í ritun. Henni er fyrst og fremst ætlað að gera nemendur meðvitaðri um að ritun texta er nauðsynleg í daglegu lífi og að hún hefur mismunandi tilgang. Verkefnin eru hnitmiðuð, létt og vonandi skemmtileg en innlögn á verkefnunum er nauðsynleg. Bókin hentar því ekki til heimavinnu eða sjálfstæðrar vinnu nemenda án innlagnar. Í kennaraleiðbeiningunum eru ýmsar ábendingar um viðfangsefni sem auðvelda kennurum innlögn.