Námsefnið Íslenska staf fyrir staf B er lestrarkennsluefni ætlað nemendum frá 10 ára aldri sem þurfa að læra að lesa latneskt letur. Efnið tekur mið af hæfniviðmiðum forstigs í íslensku sem öðru tungumáli í aðalnámskrá grunnskóla.
Bókin skiptist í fjóra kafla, í hverjum kafla er stafainnlögn þar sem hljóð stafanna er kennt, orðleysur þar sem hljóðin eru þjálfuð og orðaforði byggður á orðum úr þeim stöfum sem búið er að leggja inn og þjálfa.
Kennsluleiðbeiningar eru á vef og þar er einnig að finna ýmislegt ítarefni með bókunum.