Í verkefnabankanum eru 40 verkefni í hönnun og smíði fyrir nemendur í 1.–4. bekk. Verkefnin eru á mismunandi þyngdarstigi, merkt 1–4, og má auðveldlega aðlaga þau að aldri, þroska og getu nemenda. Öll verkefnin hafa verið prófuð í kennslu og í verkferlalýsingum er bent á atriði sem mikilvægt er að hafa í huga. Þótt tiltekin smíðaefni séu nefnd í hverju verkefni er einfalt að skipta um efnivið eftir aðstæðum í hverjum skóla. Efnisval er fjölbreytt og byggir meðal annars á efniviði úr umhverfinu, með áherslu á endurnýtingu og skapandi notkun á gömlum efnivið.