Samhljóðar í himingeimnum er gagnvirkur vefur ætlaður nemendum á yngsta stigi grunnskólans en nýtist fleirum, eins og nemendum með annað móðurmál en íslensku og nemendum sem taka hægum framförum í lestri og stafsetningu. Hann er hugsaður sem liður í hlustun og hljóðgreiningu;  að nemendur  æfist í gegnum leikina í að greina á milli hljómlíkra bókstafa og eigi þar með auðveldara með að stafsetja orð rétt þegar þeir skrifa sjálfir. Æfingarnar eru því góður undirbúningur  undir stafsetningu.

Ef farið er inn á hnappinn Um vefinn á forsíðu eru nánari útskýringar á uppbyggingu, markmiðum og skráningu og mati.