Verkefnahefti um sléttar tölur og oddatölur, orðaforða er við kemur efninu og lesskilning. Verkefnin eru byggð á bókinni Rúna jafnar leikinn en geta þó staðið ein og sér. Þetta er verkefnahefti eitt af tveimur heftum. Heftin eru mjög áþekk en þyngdarstigsmunur er á þeim. Verkefnin eru fjölbreytt og tengjast öll sléttum tölum og oddatölum á einhvern hátt. Fléttað er inn verkefnum er tengjast íslensku eins og að ríma og orðasúpu. Verkefnaheftið er eingöngu gefið út sem útprentanlegt efni hér á vef Miðstöðvar menntunar og skólaþjónustu.