Íslenskar bókmenntir eiga sér langa og ríka sögu. „Mér er í mun …“ er sýnisbók sem stiklar á stóru í þeirri sögu með dæmum úr verkum bæði þekktra skálda og yngri höfunda. Farið er frá samtímanum aftur í tímann, allt til Hávamála, og textar spanna um ellefu aldir. Bókin sameinar stutta umfjöllun, bókmenntatexta og kynningar á höfundum, auk skýringa á helstu bókmenntahugtökum aftast.