Verkefnin eru hugsuð sem ítarefni með því námsefni sem unnið er með í bekknum hverju sinni. Þau eru fjölbreytt og reyna á marga þætti stærðfræðinnar, oft sett fram sem spil og þrautir, og í efnisyfirliti kemur fram hvaða námsþætti hvert verkefni tengist, svo sem rökhugsun, reikniaðgerðum, rúmfræði og talnaskilningi. Mörg verkefnanna henta nemendum á öllum aldri, þó ólíkir aldurshópar nálgist þau með mismunandi hætti, og þegar verkefni eru sérsniðin að ákveðnum aldri er það tekið fram í efnisyfirliti.