Námsefnið styður við teikningu og sköpun með fjölbreyttum hugmyndum sem efla ímyndunarafl, sjónræna hugsun og hæfni til að teikna bæði eftir fyrirmynd og eigin hugmyndum. Það er sett fram sem hugmyndabanki fyrir kennara þar sem nemendur læra í gegnum eigin reynslu, kanna umhverfi sitt og þróa tengsl milli skynjunar, hreyfingar og myndrænnar tjáningar.
Efnið skiptist í sex kafla sem byggja markvisst upp færni í teikningu, frá skynjun og hreyfingu til birtu, dýptar, ímyndunar og gagnrýninnar rýni.