Einnota vinnuhefti sem fjallar á aðgengilegan hátt um helstu atriði í fjármálum einstaklinga, svo sem skatta, greiðslukort, lántökur, vanskil og lífeyrissjóði. Umfjöllun um hvert efni er stutt og fylgt eftir með verkefnum sem oft gera ráð fyrir upplýsingaleit og notkun netreiknivéla. Verkefnin taka meðal annars fyrir skattgreiðslur, útborguð laun, persónuafslátt, lífeyrissparnað, notkun debet- og kreditkorta, sparnað og yfirdrátt, netkaup, rekstur og kaup á bíl, lífsstílskostnað, húsnæði, afleiðingar vanskilagreiðslna, heimilishald og hagsýni.